പാലക്കാട് > ശ്രീകുമാരൻ തമ്പി മലയാള സിനിമാ രംഗത്തെ മഹാ പ്രതിഭ തന്നെയാണെന്ന് സാംസ്കാരിക മന്ത്രി സജി ചെറിയാൻ. അദ്ദേഹത്തിന് ജെസി ഡാനിയാൽ പുരസ്ക്കാരം അടക്കം നൽകി ആദരിച്ചിട്ടുണ്ട്. അദ്ദേഹത്തിന് എന്തെങ്കിലും മനോവിഷമം ഉണ്ടായോ എന്ന് അറിയില്ലെന്നും മന്ത്രി പറഞ്ഞു.
ഇന്ത്യ ഗവണ്മെന്റിന്റെ ഒരു അംഗീകാരം കിട്ടിയില്ലെന്ന് അദ്ദേഹം പറഞ്ഞിരുന്നു . കേന്ദ്ര ഗവണ്മെന്റിന്റെ അംഗീകാരം കിട്ടാനും അദ്ദേഹം അർഹനാണ്.
രാജ്യം ആദരിക്കേണ്ട വ്യക്തി തന്നെയാണ് ശ്രീകുമാരൻ തമ്പിയെന്നും അവാർഡ് കിട്ടാൻ വൈകി എന്ന കാര്യത്തിൽ തർക്കമില്ലെന്നും മന്ത്രി പറഞ്ഞു.
