ആക്രമണങ്ങൾ അവസാനിപ്പിക്കണം: മാർപ്പാപ്പ

വത്തിക്കാൻ സിറ്റി> ഇസ്രയേലിലും പലസ്തീനിലും സമാധാനം വേണമെന്ന് ഫ്രാൻസിസ് മാർപ്പാപ്പ. ഭീകരവാദവും യുദ്ധവും പരിഹാരത്തിലേക്ക് നയിക്കില്ലെന്നും വത്തിക്കാനിലെ സെന്റ് പീറ്റേഴ്സ് സ്ക്വയറിൽ മാർപ്പാപ്പ പറഞ്ഞു. ആക്രമണങ്ങൾ അവസാനിപ്പിക്കണം. എല്ലാ യുദ്ധങ്ങളും പരാജയമാണ്. ഇസ്രയേലിലും പലസ്തീനിലും സമാധാനത്തിനായി നമുക്ക് പ്രാർഥിക്കാം. ആക്രമണങ്ങളും ആയുധങ്ങളും ഇല്ലാതാക്കാൻ നിങ്ങളോട് അപേക്ഷിക്കുന്നു. ഭീകരവാദവും യുദ്ധവും നിരവധി നിരപരാധികളുടെ മരണത്തിലേക്കും കഷ്ടപ്പാടുകളിലേക്കും നയിക്കുന്നു–- മാർപ്പാപ്പ വ്യക്തമാക്കി.