പാലക്കാട് > കേരള സംസ്ഥാന ലോട്ടറിയുടെ ഓണം ബമ്പര് ഭാഗ്യക്കുറിയുടെ ഒന്നാം സമ്മാനമായ 25 കോടി നേടിയ TE 230662 ടിക്കറ്റ് വാങ്ങിയത് കോയമ്പത്തൂര് അന്നൂര് സ്വദേശി നടരാജന്. സമ്മാനം നേടിയ ടിക്കറ്റുകള് ഉള്പ്പെടെ 10 ടിക്കറ്റുകള് ഇയാള് വാങ്ങിയിരുന്നു.
തിരുവനന്തപുരം ഗോര്ക്കിഭവനില് ധനമന്ത്രി കെ.എന് ബാലഗോപാലാണ് നറുക്കെടുപ്പ് നടത്തിയത്. TH 305041 , T L 894358, TC 708749, TA 781521, T D 166207, T B 3984 15, T B 127095, TC 320948, T B 515087, T J 410906, TC 946 O82, TE 421 674, TC 2876 27, T E 2200 42, TC 151 097, TG 381795, TH 314711, TG 496751, T J 223848 എന്നീ ടിക്കറ്റുകള്ക് 1 കോടി വീതം രണ്ടാം സമ്മാനമായി ലഭിക്കും.
റെക്കോര്ഡ് വില്പ്പനയാണ് ഇക്കുറി ഓണം ബമ്പര് നടത്തിയിരിക്കുന്നത്.കഴിഞ്ഞ വർഷം ആകെ 66.5 ലക്ഷം ടിക്കറ്റുകളാണ് വിറ്റുപോയത്. ഇത്തവണ അത് 75.7 ലക്ഷം കടന്നു.ടിക്കറ്റ് വിൽപ്പനയിൽ പാലക്കാട്, തിരുവനന്തപുരം ജില്ലകളാണ് മുന്നിൽ. മൂന്നാമതായി തൃശ്ശൂരുമുണ്ട്. 7 ലക്ഷം ടിക്കറ്റുകളാണ് പാലക്കാട് മാത്രം ഇത് വിറ്റത്. തിരുവനന്തപുരത്ത് ആറ് ലക്ഷത്തി മുപ്പതിനായിരത്തിലധികം ടിക്കറ്റുകളും തൃശൂരിൽ ആറ് ലക്ഷത്തിലധികം ടിക്കറ്റുകളും വിറ്റഴിഞ്ഞു.
