ദുബായ്> ബഹിരാകാശ ദൗത്യത്തിൽ യുഎഇ ചെലുത്തിയ സ്വാധീനം തന്റെ വ്യക്തിഗത റെക്കോർഡുകളേക്കാൾ പ്രധാനമാണെന്ന് യുഎഇ ബഹിരാകാശ സഞ്ചാരി സുൽത്താൻ അൽ നെയാദി.
ബഹിരാകാശത്തെക്കുറിച്ച് യുവാക്കൾക്ക് താൽപ്പര്യമുണ്ടാകേണ്ടതിന്റെയും അതിനെക്കുറിച്ചു സംസാരിക്കേണ്ടതിന്റെയും പ്രാധാന്യത്തെക്കുറിച്ച് നെയാദി ചൂണ്ടിക്കാട്ടി. തന്റെ റെക്കോർഡുകളേക്കാളും കൂടുതൽ അതിനാണ് പ്രാധാന്യം എന്നും അദ്ദേഹം പറഞ്ഞു.
തന്റെ ദൗത്യം ഒരു റെക്കോർഡായി കരുതുന്നില്ല എന്ന് അദ്ദേഹം പറഞ്ഞു. റെക്കോർഡുകൾ എളുപ്പത്തിൽ തകർക്കാൻ കഴിയും എന്നാൽ അതൊരു നല്ല ദൗത്യമായി കരുതാൻ താൻ ആഗ്രഹിക്കുന്നതായും അദ്ദേഹം പറഞ്ഞു. യുവാക്കളും സമൂഹവും ബഹിരാകാശത്തെക്കുറിച്ച് സംസാരിക്കുന്നതിൽ വളരെ സന്തോഷമുണ്ടെന്നും അദ്ദേഹം കൂട്ടിച്ചേർത്തു.
