ന്യൂഡൽഹി> തൃപ്പൂണിത്തുറ തെരഞ്ഞെടുപ്പ് കേസില് കെ ബാബു എംഎൽഎയ്ക്ക് സുപ്രീംകോടതിയില് തിരിച്ചടി. എം സ്വരാജ് നൽകിയ ഹർജി നിലനിൽക്കുമെന്ന ഹൈക്കോടതിയുടെ ഇടക്കാല ഉത്തരവ് സ്റ്റേ ചെയ്യണമെന്ന ആവശ്യം സുപ്രീംകോടതി അംഗീകരിച്ചില്ല. ഹൈക്കോടതിയിലെ ഹര്ജിയിലെ നടപടികള് സ്റ്റേ ചെയ്യാനാകില്ലെന്ന് സുപ്രീംകോടതി വ്യക്തമാക്കി.
മതചിഹ്നങ്ങള് ഉപയോഗിച്ച് കെ ബാബു വോട്ട് പിടിച്ചത് തെരഞ്ഞെടുപ്പ് പെരുമാറ്റച്ചട്ടത്തിന്റെ ലംഘനമെന്ന് ചൂണ്ടിക്കാട്ടി എല്ഡിഎഫ് സ്ഥാനാര്ഥിയായിരുന്ന എം സ്വരാജ് നൽകിയ ഹർജി നിലനില്ക്കുമെന്ന് ഇക്കഴിഞ്ഞ മാര്ച്ചില് കേസ് പരിഗണിച്ച കേരള ഹൈക്കോടതി വ്യക്തമാക്കിയിരുന്നു. ഇതിനെതിരെയാണ് കെ ബാബു സുപ്രീംകോടതിയെ സമീപിച്ചത്.
