കൊളംബോ> ഏഷ്യാകപ്പ് ക്രിക്കറ്റിലെ ഇന്ത്യ– പാകിസ്ഥാൻ സൂപ്പർ ഫോർ മത്സരത്തിന് മാത്രമായി പകരം ദിവസം. ഞായറാഴ്ച കളി മഴമൂലം മുടങ്ങിയാൽ തിങ്കളാഴ്ചയും തുടരും. സൂപ്പർഫോറിലെ മറ്റ് മത്സരങ്ങൾക്കൊന്നും പകരംദിവസമില്ല.
കൊളംബോ പ്രേമദാസ സ്റ്റേഡിയത്തിലാണ് കളി. മഴയുണ്ടാകുമെന്നാണ് കാലാവസ്ഥാപ്രവചനം. ഇന്ത്യയും പാകിസ്ഥാനും ഗ്രൂപ്പിൽ ഏറ്റുമുട്ടിയപ്പോൾ മഴ കളി മുടക്കിയിരുന്നു. അന്ന് പകരം ദിവസമുണ്ടായിരുന്നില്ല.
