തിരുവനന്തപുരം > മണ്സൂണ് ബംപർ നേടിയ ഹരിത കര്മ്മ സേനാംഗങ്ങള്ക്ക് സമ്മാനത്തുക കൈമാറി. തിരുവനന്തപുരത്ത് നടന്ന ചടങ്ങിലാണ് തുക കൈമാറിയത്. സർക്കാരിന്റെ അതിഥികളായെത്തിയാണ് പരപ്പനങ്ങാടിയിലെ ഹരിതകര്മ്മ സേനാംഗങ്ങളായ ലീലയും സുഹൃത്തുക്കളായ പത്തുപേരും തുക ഏറ്റുവാങ്ങിയത്. ധനമന്ത്രി കെ എൻ ബാലഗോപാൽ തുക കൈമാറി.
ആദ്യമായാണ് ലോട്ടറി ജേതാക്കളെ ക്ഷണിച്ചുവരുത്തി സര്ക്കാര് സമ്മാനം കൈമാറുന്നത്. ചടങ്ങിൽ തദ്ദേശ സ്വയംഭരണ മന്ത്രി എം ബി രാജേഷ്, ഗതാഗത മന്ത്രി ആന്റണി രാജു എന്നിവരും പങ്കെടുത്തു. നറുക്കെടുപ്പ് നടന്ന വേദിയില് തന്നെയാണ് തുകയും സമ്മാനിച്ചത്. പത്ത് കോടി രൂപ അവരെ തേടിയെത്തിയ നറുക്കെടുപ്പ് ദൃശ്യങ്ങളും അവര്ക്കായി വേദിയില് പ്രദര്ശിച്ചിച്ചു. സർക്കാരിന്റെ അതിഥികളായി ചടങ്ങിൽ പങ്കെടുക്കാൻ കഴിഞ്ഞ ദിവസം തന്നെ സേനാംഗങ്ങൾ തിരുവനന്തപുരത്ത് എത്തിയിരുന്നു.
.jpg)
.jpg)
