തിരുവനന്തപുരം> ലോക്സഭ തെരഞ്ഞെടുപ്പില് മത്സരക്കില്ലെന്ന സൂചനയുമായി കെ മുരളീധരന്. പുതുപ്പള്ളി ഉപതെരഞ്ഞെടുപ്പിന് ശേഷം ചിലത് പറയാനുണ്ടെന്ന് മുരളീധരനും വ്യക്തമാക്കി. കെ കരുണാകരന്റെ സ്മാരകം നിര്മിക്കുന്നതുമായി ബന്ധപ്പെട്ട് പൊതുരംഗത്ത് നിന്ന് മാറി നില്ക്കുമെന്നും അദ്ദേഹം പറഞ്ഞു.
രമേശ് ചെന്നിത്തലക്ക് പിന്നാലെ കോണ്ഗ്രസില് പടലപ്പിണക്കം രൂക്ഷമാകുകയാണ് എന്നതിന്റെ സൂചന നല്കിയാണ് കെ മുരളീധരനും രംഗത്ത് വന്നത്. ചെന്നിത്തലയെ എഐസിസി പ്രവര്ത്തക സമിതിയില് ക്ഷണിതാവാക്കിയതുമായി ബന്ധപ്പെട്ട മാധ്യമങ്ങളെ ചോദ്യത്തോടാണ് പുതുപ്പളളി തിരഞ്ഞെടുപ്പിന് ശേഷം തനിക്കും ചിലത് പറയാനുണ്ടെന്ന മുരളീധരന്റെ പ്രതികരണം.
അതേസമയം ലോക്സഭാ തെരഞ്ഞെടുപ്പില് നിന്ന് മാറി നിന്ന് നിയമസഭാ തെരഞ്ഞെടുപ്പില് സ്ഥാനം പിടിക്കാനുള്ള മുരളീധരന്റെ നീക്കമായാണ് ചിലര് ഇതിനെ വ്യാഖ്യാനിക്കുന്നത്.
