കൊച്ചി> മലയാളത്തിലെ സൂപ്പര്ഹിറ്റ് ചിത്രങ്ങളായ പളുങ്ക് ,ഭ്രമരം ,മായാവി, ചോട്ടാ മുംബൈ എന്നീ ചിത്രങ്ങളില് ബാലതാരമായി സിനിമയില് അരങ്ങേറ്റം കുറിച്ച യുവനടന് ടോണി സിജിമോന് നായകനായ പുതിയ ചിത്രം ‘കാത്ത് കാത്തൊരു കല്ല്യാണം’ പൂര്ത്തിയായി. ഏറെ പുരസ്ക്കാരങ്ങള് വാരിക്കൂട്ടിയ ‘വെള്ളരിക്കാപ്പട്ടണത്തി’ന് ശേഷം ടോണി നായകനാവുന്ന പുതിയ സിനിമയാണ് ജയിന് ക്രിസ്റ്റഫര് രചനയും സംവിധാനവും നിര്വ്വഹിച്ച’ കാത്ത് കാത്തൊരു കല്ല്യാണം.
ചാനല് ഷോകളില് ബാലതാരമായി തിളങ്ങിയ ഈ കൊച്ചുമിടുക്കനെ മമ്മൂട്ടി ചിത്രമായ പളുങ്കിലൂടെ സംവിധായകന് ബ്ലെസിയാണ് ബിഗ്സ്ക്രീനിലേക്ക് കൊണ്ടുവരുന്നത്.
ചെറുകര ഫിലിംസിന്റെ ബാനറില് മനോജ് ചെറുകര നിര്മ്മിക്കുന്ന കാത്ത് കാത്തൊരു കല്ല്യാണത്തിന്റെ ഛായാഗ്രഹണം സംവിധായകന് ജയിന് ക്രിസ്റ്റഫര് തന്നെയാണ് നിര്വ്വഹിക്കുന്നത്.നന്ദനാണ്ചിത്രത്തിന് തിരക്കഥ -സംഭാഷണം രചിച്ചിരിക്കുന്നത്.
