മറയൂര്> ഇടുക്കിയില് വീണ്ടും പടയപ്പയുടെ ആക്രമണം. തലയാറിലെ ഒരു റേഷന് കട പടയപ്പ തകര്ത്തു. എന്നാല് തുമ്പിക്കൈ എത്താത്തതിനാല് അരി എടുക്കാന് സാധിച്ചില്ല.
കഴിഞ്ഞ ഒരു മാസമായി പടയപ്പ മറയൂര് പ്രദേശത്താണ്. കഴിഞ്ഞ ദിവസം പച്ചക്കറി കടയും വൃദ്ധ ദമ്പതികള് താമസിച്ചിരുന്ന ഒരു വീടും തകര്ത്തിരുന്നു. ഏത് സമയത്തും പടയപ്പയുടെ ആക്രമണമുണ്ടാകാമെന്ന് ഭയന്നാണ് പ്രദേശവാസികളും കഴിയുന്നത്. പകല് സമയത്ത് പോലും പുറത്തേക്കിറങ്ങാന് ഭയമാണെന്ന് നാട്ടുകാര് പറയുന്നു.
