ഏഷ്യൻ ചാമ്പ്യൻസ്‌ ട്രോഫി ; മലേഷ്യയെ 
തകർത്ത്‌ ഇന്ത്യ

ചെന്നൈ
ഏഷ്യൻ ചാമ്പ്യൻസ് ട്രോഫി ഹോക്കിയിൽ ഇന്ത്യ അഞ്ച് ഗോളിന് മലേഷ്യയെ തകർത്തു. കഴിഞ്ഞ കളിയിൽ ജപ്പാനുമായി സമനിലയായിരുന്നു ഫലം.
ആദ്യ രണ്ട് കളിയും ജയിച്ചാണ് മലേഷ്യ എത്തിയത്. എന്നാൽ, ഇന്ത്യ ആദ്യ ക്വാർട്ടറിൽതന്നെ മുന്നിലെത്തി. കാർത്തി സെൽവം, ഹാർദിക് സിങ്, ഹർമൻപ്രീത് സിങ്, ഗുർജന്ത് സിങ്, ജുഗ്രാജ് സിങ് എന്നിവർ ഇന്ത്യക്കായി ഗോൾ നേടി. ഇന്ന് ദക്ഷിണ കൊറിയയുമായിട്ടാണ് ഇന്ത്യയുടെ അടുത്ത മത്സരം.