തിരുവനന്തപുരം > തിരുവനന്തപുരം പന്തലക്കോട് ആസ്ഥാനമായുള്ള എസ് കെ പൊറ്റെക്കാട് സ്മാരക സമിതിയുടെ എസ് കെ പൊറ്റെക്കാട് സ്മാരക പുരസ്കാരങ്ങൾ പ്രഖ്യാപിച്ചു. സഞ്ചാര സാഹിത്യ വിഭാഗത്തിൽ ദേശാഭിമാനി തിരുവനന്തപുരം യൂണിറ്റിലെ അസിസ്റ്റന്റ് എഡിറ്റർ കെ ആർഅജയനാണ് പുരസ്കാരം. 10000 രൂപയും പ്രശസ്തിപത്രവും ശിൽപവും അടങ്ങുന്നതാണ് പുരസ്കാരം. 25000 രൂപയും പ്രശസ്തി പത്രവും അടങ്ങുന്ന സാഹിത്യ പ്രതിഭാ പുരസ്കാരം കഥാകൃത്ത് ശിഹാബ്ദ്ദീൻ പൊയ്ത്തുംകടവിന് ലഭിച്ചു.
10000 രൂപയുടെ മറ്റ് പുരസ്കാരങ്ങൾ: നോവൽ: ആനന്ദൻ രാഘവൻ (കൃതി: രാധാപർവം). കഥ: നജീബ് ചോമ്പാൽ ( ജാരസ്യം), കവിത: ശ്യാം തറമേൽ ( ക്ഷ), സ്റ്റെല്ലാ മാത്യു ( എന്റെ മുറിവിലേക്ക് ഒരു പെൺപ്രാവ് പറക്കുന്നു), കവിതയിൽ പ്രത്യേക പുരസ്കാരം: റീമാസ് ഹരിപ്പാട് (മൊഴിപ്പൂക്കൾ). ഓർമക്കുറിപ്പ്: തേരേസ ടോം (സിൻസിറ്റി കഫേ), വൈജ്ഞാനികം: ഡോ. അശോക് ഡിക്രൂസ് (മലയാള ഗവേഷണം അകവും പുറവും), ബാലസാഹിത്യം: ലേഖ കാക്കനാട്ട് (കുഞ്ഞാറ്റകളുടെ കൊയ്ത്തുപാട്ട്), പ്രാദേശിക ചരിത്രം: പി കെ റാണി (കഥപറയുന്ന അഷ്ടമുടി). പുരസ്കാരങ്ങൾ 23ന് കോഴിക്കോട് അളകാപുരിയിൽനടക്കുന്ന ചടങ്ങിൽ വിതരണം ചെയ്യും.
