തിരുവനന്തപുരം> വര്ക്കല പാപനാശം ഏണിക്കല് ബീച്ചില് കുളിക്കാനിറങ്ങിയ യുവാവ് മരിച്ചു. ഇന്ന് രാവിലെ 10 മണിക്കായിരുന്നു സംഭവം.കോട്ടയം നാട്ടകം സ്വദേശി റിയാദ് പൗലോസ് ജേക്കബ് (35) ആണ് മരിച്ചത്.
സുഹൃത്തുക്കള്ക്കൊപ്പം ബീച്ചില് കുളിക്കാനിറങ്ങിയതായിരുന്നു റിയാദ്. തിരയില്പ്പെട്ട റിയാദിനെ സുഹൃത്തുക്കള് കരയ്ക്ക് എത്തിച്ച് സിപിആര് നല്കി.അഗ്നിരക്ഷാ സേനയും ടൂറിസം പൊലീസും സ്ഥലത്തെത്തി വര്ക്കല താലൂക്ക് ആശുപത്രിയില് എത്തിച്ചെങ്കിലും ജീവന് രക്ഷിക്കാനായില്ല.
നാലംഗ സുഹൃത്തുക്കള്ക്കൊപ്പം കഴിഞ്ഞ ദിവസമാണ് റിയാദ് വര്ക്കലയില് എത്തിയത്.
