തിരുവനന്തപുരം > അധിക്ഷേപ യൂട്യൂബ് ചാനലായ മറുനാടന് മലയാളി എഡിറ്റര് ഷാജന് സ്കറിയക്ക് എതിരെ വീണ്ടും കേസ്. പൊലീസ് സേനയുടെ വയര്ലെസ് ചോര്ത്തിയെന്നാണ് പരാതി. തിരുവനന്തപുരം സൈബര് ക്രൈം പൊലീസാണ് കേസെടുത്തത്. ഒദ്യോഗിക രഹസ്യ നിയമം, ടെലിഗ്രാഫ് ആക്ട്, ഐടി ആക്ട് എന്നിവ പ്രകാരമാണ് കേസ്. പി വി അന്വര് എംഎല്എ യുടെ പരാതിയിലാണ് കേസ്.
പി വി അന്വര് ഡിജിപിക്കാണ് പരാതി നല്കിയത്. രാജ്യസുരക്ഷയെ ബാധിക്കുന്ന കാര്യമാണെന്ന് ആരോപിച്ച് പ്രധാനമന്ത്രിക്കും ഇ മെയില് വഴി പരാതി അയച്ചിരുന്നു. സംസ്ഥാന പൊലീസ് സേന, മറ്റ് കേന്ദ്ര സേനകള് എന്നിവയുടെ വയര്ലെസ് സന്ദേശങ്ങള്, ഫോണ് സന്ദേശങ്ങള്, ഇ മെയില് എന്നിവ ഹാക്ക് ചെയ്യാനുള്ള സാങ്കേതിക സംവിധാനങ്ങള് ഇയാളുടെ പക്കലുണ്ടെന്നും അത് പരിശോധിക്കണമെന്നും അന്വര് പരാതിയില് ആവശ്യപ്പെട്ടിരുന്നു.
