പാലാ > കേരള സാംസ്കാരിക സമിതി 2022- 23 വർഷത്തെ സാഹിത്യ അവാർഡ് ദാനവും സാംസ്കാരിക സമ്മേളനവും പാലാ എ ഡി ബാങ്ക് ഓഡിറ്റോറിയത്തിൽ സംഘടിപ്പിച്ചു. ഗായകൻ ജി വേണുഗോപാൽ അവാർഡ് വിതരണവും സമ്മേളനത്തിന്റെ ഉദ്ഘാടനവും നിർവഹിച്ചു. കേരള സാംസ്കാരിക വേദി പ്രസിഡൻ്റ് അഡ്വ. ആർ മനോജ് പാല അധ്യക്ഷനായി. സെക്രട്ടറി ബെന്നി മൈലൂർ, പാപ്പാത്തി ബുക്സ് പ്രസാധകൻ സന്ദീപ് കെ രാജ് എന്നിവർ സംസാരിച്ചു.
മികച്ച കവിതാ സമാഹാരത്തിനുള്ള പാലാ നാരായണൻ നായർ അവാർഡ് രശ്മി പ്രകാശിൻ്റെ “അഹം” നേടി. മികച്ച നിരൂപണ ഗ്രന്ഥത്തിനുള്ള ഡോ. ജോസഫ് മുണ്ടശേരി അവാർഡ് ഡോ. കെ ബി മണിയുടെ “ടൈംസ് ഒഫ് മീഡിയ, മാധ്യമ കേന്ദ്രിത കഥകളുടെ പഠനത്തി”നാണ്. മികച്ച കഥാസമാഹാരത്തിനുള്ള വൈക്കം മുഹമ്മദ് ബഷീർ സ്മാരക അവാർഡ് വി എസ് അജിത്തിൻ്റെ “ഇണയില്ലാ പൊട്ടൻ ” എന്ന കഥാസമാഹാരത്തിനും മികച്ച കവിതാ സമാഹാരത്തിനുള്ള ലളിതാംബിക അന്തർജനം സ്പെഷ്യൽ ജൂറി അവാർഡ് സുനിൽ മാലൂരിൻ്റെ “പ്രണയം ജനാധിപത്യം എന്നിവയെപ്പറ്റി ” എന്ന പുസ്തകത്തിനും ലഭിച്ചു.
