കോഴിക്കോട്> പി എം താജ് അനുസ്മരണത്തിന്റെ ഭാഗമായി പുരോഗമന കലാസാഹിത്യ സംഘം കോഴിക്കോട് ജില്ലാ കമ്മറ്റിയുടെ നേതൃത്വത്തിൽ നാടക രചനാ മത്സരം സംഘടിപ്പിക്കുന്നു. മികച്ച രചനയ്ക്ക് പി എം താജ് അവാർഡും പതിനായിരം രൂപ കാഷ് അവാർഡും സമ്മാനിക്കും.
ഒരു മണിക്കൂറിനുള്ളിൽ അവതരിപ്പിക്കാവുന്നതും നേരത്തെ അവതരിപ്പിക്കാത്തതുമായ മൗലിക രചനയുടെ മൂന്ന് കോപ്പികൾ 250 രൂപ പ്രവേശന ഫീസ് സഹിതം ജൂലൈ 15ന് മുമ്പ് ഡോ യു ഹേമന്ത്കുമാർ, 38/787 F, ജ്യോതിർഗമയ, വെസ്റ്റ്ഹിൽ പി ഒ, കോഴിക്കോട് – 673005 എന്ന വിലാസത്തിൽ ലഭിച്ചിരിക്കണമെന്ന് ഭാരവാഹികൾ അറിയിച്ചു. ഫോൺ: 9447247327/ 9447 27 65 05.
താജ് അനുസ്മരണ നാടകക്യാമ്പ്
പി എം താജ് അനുസ്മരണത്തിന്റെ ഭാഗമായി നാടക സംവിധായകൻ ശങ്കർ വെങ്കിടേഷ് നയിക്കുന്ന നാടകക്യാമ്പ് സംഘടിപ്പിക്കും. 30, 31 തീയതികളിൽ പി എം താജ് അനുസ്മരണ സമിതി കോഴിക്കോട്ട് സംഘടിപ്പിക്കുന്ന ക്യാമ്പിൽ യുവ കലാകാരന്മാർക്കും നാടകപ്രേമികൾക്കും നാടക രചയിതാക്കൾക്കും പങ്കെടുക്കാം.
ലോക നാടകവേദിയിലെ പുതിയ പ്രവണതകൾ പരിചയപ്പെടുത്തും. ചർച്ചചെയ്യപ്പെടുന്ന വിഷയങ്ങളുടെ വീഡിയോ പ്രദർശനങ്ങളും നടക്കും. 18 വയസ്സ് കഴിഞ്ഞവർക്ക് അപേക്ഷിക്കാം. ഭക്ഷണവും താമസവും ഉൾപ്പെടെ ഫീസ് 1000 രൂപ. ഫോൺ: 9447276505, 9447247327.
ദേശാഭിമാനി വാർത്തകൾ ഇപ്പോള് വാട്സാപ്പിലും ടെലഗ്രാമിലും ലഭ്യമാണ്.
വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
ടെലഗ്രാം ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
