കോട്ടയം> തലയോലപറമ്പ് മറവന്തുരുത്തിൽ 12 പേരെ കടിച്ച തെരുവുനായ ചത്തു . ആക്രമണകാരിയായ നായയെ കഴിഞ്ഞ ദിവസം പിടികൂടി കൂട്ടിലടച്ച് വാക്സിൻ നൽകിയിരുന്നു. ഇന്ന് നായയെ കൂട്ടിനുള്ളിൽ ചത്ത നിലയിൽ കണ്ടെത്തുകയായിരുന്നു.
ഉദ്യോഗസ്ഥർ എത്തി നായയെ പ്രത്യേക കവറിലാക്കി പോസ്റ്റ്മോർട്ടത്തിന് തിരുവല്ലയിലേക്ക് കൊണ്ടുപോയി. നായക്ക് പേവിഷബാധയുണ്ടോയെന്ന് പരിശോധനയ്ക്ക് ശേഷമേ അറിയാനാകൂ. നായയുടെ കടിയേറ്റവർ എന്തായാലും വാക്സിനേഷൻ ഫുൾ ഡോസ് എടുക്കേണ്ടി വരുമെന്ന് പറയുന്നു.
