സംഗീത സംവിധായകൻ എ ആർ റഹ്മാന്റെ മകൾ ഖദീജ റഹ്മാൻ സംഗീത സംവിധാന രംഗത്തേക്ക്. മിൻമിനി എന്ന തമിഴ് ചിത്രത്തിലൂടെയാണ് ഖദീജയുടെ സിനിമാ അരങ്ങേറ്റം. സില്ലു കരുപ്പാട്ടി എന്ന ചിത്രത്തിലൂടെ ശ്രദ്ധേയയായ ഹലീദ ഷമീമിന്റെ പുതിയ ചിത്രമാണ് മിൻമിനി. ചിത്രത്തിനായി ഒരുക്കിയ ഗാനങ്ങൾക്ക് നന്ദി പറഞ്ഞുകൊണ്ട് ഖദീജയോടൊപ്പമുള്ള ചിത്രവും ഹലീദ ട്വിറ്ററിലൂടെ പങ്കു വെച്ചിട്ടുണ്ട്.
സിനിമയുടെ വിശേഷങ്ങൾ ഖദീജയും സോഷ്യൽ മീഡിയയിൽ പങ്കുവച്ചു. സംവിധായിക ഹലിദയ്ക്ക് നന്ദി കുറിച്ചുകൊണ്ടുള്ളതാണ് കുറിപ്പ്. കഴിഞ്ഞുപോയ മാസം ഏറെ ബുദ്ധിമുട്ടേറിയതായിരുന്നു എന്നാണ് ഖദീജ കുറിക്കുന്നത്. തനിക്ക് പിന്തുണ നൽകിയ കുടുംബത്തിനോടും നന്ദി കുറിച്ചു. ഗായിക എന്ന നിലയിൽ ശ്രദ്ധേയയായ ഖദീജ സ്വന്തം മ്യൂസിക് വിഡിയോയും പുറത്തിറക്കിയിട്ടുണ്ട്.
എസ്തർ അനിൽ, ഗൗരവ് കലൈ, പ്രവീൺ കിഷോർ എന്നിവരാണ് മിൻമിനിയിൽ പ്രധാന വേഷത്തിലെത്തുന്നത്.
