ഓവൽ> ലോക ടെസ്റ്റ് ചാമ്പ്യൻഷിപ് ഫൈനലിൽ ഓസ്ട്രേലിയയോട് ദയനീയ തോറ്റതിന് പിന്നാലെ ഇന്ത്യൻ ടീമിനും ഓപ്പണർ ശുഭ്മാൻ ഗില്ലിനും പിഴയിട്ട് ഇന്റർനാഷനൽ ക്രിക്കറ്റ് കൗൺസിൽ (ഐ സി സി). അമ്പയറുടെ തീരുമാനത്തെ പരിഹസിച്ച് സമൂഹ മാധ്യമത്തിൽ പോസ്റ്റിട്ടതിനാണ് ഗില്ലിനെതിരെ നടപടി. താരം മാച്ച് ഫീയുടെ 15 ശതമാനം പിഴ നൽകണം.
ഫൈനലിൻറെ നാലാം ദിനം സ്കോട് ബോളൻഡിൻറെ പന്തിൽ സ്ലിപ്പിൽ കാമറൂൺ ഗ്രീനിൻറെ ക്യാച്ചിൽ പുറത്തായിരുന്നു. പന്ത് നിലത്ത് തട്ടിയെന്ന് ടെലിവിഷൻ റീപ്ലേകളിൽ വ്യക്തമായിരുന്നെങ്കിലും തേർഡ് അമ്പയർ ഔട്ടാണെന്ന് വിധിച്ചതാണ് ഗില്ലിനെ പ്രകോപിപ്പിച്ചത്. കുറഞ്ഞ ഓവർ നിരക്കാണ് ഇന്ത്യൻ ടീമിന് തിരിച്ചടിയായത്. കുറഞ്ഞ ഓവർ നിരക്കിന് ഇന്ത്യക്ക് മാച്ച് ഫീയുടെ 100 ശതമാനം പിഴയിട്ട ഐ സി സി, ഓസ്ട്രേലിയക്ക് 80 ശതമാനവും പിഴ ചുമത്തി.
