ബത്തേരി> കെപിസിസി നേതൃയോഗത്തിലെ ചർച്ചകൾ പുറത്തുവന്നതോടെ പ്രതിപക്ഷ നേതാവ് വി ഡി സതീശൻ വാർത്താസമ്മേളനം റദ്ദാക്കി. നേതൃയോഗം നടക്കുന്ന ബത്തേരിയിലെ പഞ്ചനക്ഷത്ര ഹോട്ടലിൽ തിങ്കൾ പകൽ പതിനൊന്നിനാണ് വാർത്താസമ്മേളനം വിളിച്ചത്.
ഉദ്ഘാടന സമ്മേളനം നീണ്ടതിനാൽ വാർത്താസമ്മേളനം പകൽ രണ്ടിലേക്ക് മാറ്റിയതായി അറിയിച്ചു. എന്നാൽ, സതീശൻ എത്തിയില്ല. അപ്പോഴേക്കും നേതൃയോഗത്തിലെ ചർച്ചകൾ മാധ്യമങ്ങളിൽ വാർത്തയായി. ഇതോടെ വാർത്താസമ്മേളനം റദ്ദാക്കുകയായിരുന്നു.
