മലപ്പുറം > മലപ്പുറം താനൂരില് 22 പേരുടെ മരണത്തിനിടയാക്കിയ ‘അറ്റ്ലാന്റിക്’ ബോട്ടിന്റെ ഉടമ നാസര് അറസ്റ്റില്. അപകടത്തിന് പിന്നാലെ ഒളിവില് പോയ ഇയാളെ താനൂരില്നിന്നാണ് കസ്റ്റഡിയിലെടുത്തത്.
നാസറിന്റെ കാര് കൊച്ചി പോലീസ് നേരത്തെ കസ്റ്റഡിയിലെടുത്തിരുന്നു. നാസറിന്റെ സഹോദരന് സലാം, സഹോദരന്റെ മകന്, അയല്വാസി മുഹമ്മദ് ഷാഫി എന്നിവരേയും പോലീസ് കസ്റ്റഡിയിലെടുത്തിട്ടുണ്ട്.
കൊച്ചിയില് അഭിഭാഷകനെ കാണാനെത്തിയപ്പോഴാണ് ഇവര് പോലീസിന്റെ പിടിയിലാകുന്നത്. ഹൈക്കോടതിയില്നിന്ന് ജാമ്യം തേടാനുള്ള നീക്കത്തിന്റെ ഭാഗമായാണ് ഇവര് കൊച്ചിയില് എത്തിയത്.
