മട്ടാഞ്ചേരി> മെയ് 12, 13, 14 തീയതികളിൽ ഫോർട്ട് കൊച്ചിയിൽ നടക്കുന്ന യുവധാര യൂത്ത് ലിറ്ററേച്ചർ ഫെസ്റ്റിവലിന്റെ സംഘാടകസമിതി ഓഫീസ് തുറന്നു. നടൻ വിനയ് ഫോർട്ട് ഉദ്ഘാടനം ചെയ്തു. യുവധാര ചീഫ് എഡിറ്റർ വി വസീഫ് അധ്യക്ഷനായി.
ഫെസ്റ്റിവൽ ഡയറക്ടർ ബെന്യാമിൻ, കെ ജെ മാക്സി എംഎൽഎ, യുവധാര മാനേജർ എം ഷാജർ, എഡിറ്റർ ഡോ. ഷിജുഖാൻ, എ ആർ രഞ്ജിത്, കെ എം റിയാദ് എന്നിവർ സംസാരിച്ചു. മുപ്പതോളം സെഷനുകളിലായി കേരളത്തിനകത്തും പുറത്തുമുള്ള എഴുത്തുകാർ പങ്കെടുക്കുന്ന ഫെസ്റ്റിവൽ 12ന് മുഖ്യമന്ത്രി പിണറായി വിജയൻ ഉദ്ഘാടനം ചെയ്യും.
അഞ്ച് വേദികളിലായി മൂന്നു ദിനരാത്രങ്ങൾ വിവിധ കലാസാംസ്കാരിക പരിപാടികൾ അരങ്ങേറും.
