മലപ്പുറം > മലപ്പുറം എടവണ്ണയില് ദുരൂഹ സാഹചര്യത്തിൽ മൃതദേഹം കണ്ടെത്തി. എടവണ്ണ ചെമ്പകുത്ത് അറയിലകത്ത് കുഞ്ഞാൻ മകൻ റിദാൻ ബാസിലിനെ (28) യാണ് മരിച്ച നിലയിൽ കണ്ടെത്തിയത്. ചെമ്പകുത്ത് ജാമിഅ കോളേജിന് സമീപം പുലിക്കുന്ന മലയിൽ വെടിയേറ്റ നിലയിലാണ് മൃതദേഹം കണ്ടത്.
എംഡിഎംഎ കേസിൽ പ്രതിയായിരുന്ന റിദാന് കുറച്ചു ദിവസം മുമ്പാണ് ജയിലിൽ നിന്നും പുറത്തിറങ്ങിയത്. നെഞ്ചിലും തലയുടെ പിൻഭാഗത്തും വെടിയേറ്റതു പോലെയുള്ള മുറിവുകൾ ഉണ്ട്. മലപ്പുറം എസ് പിയുടെ നേതൃത്വത്തില് പൊലീസ് അന്വേഷണം ആരംഭിച്ചിട്ടുണ്ട്. ഫോറൻസിക് പരിശോധനയ്ക്കു ശേഷമേ മരണ കാരണം വ്യക്തമാകൂ.
