മങ്കട> അങ്ങാടിപ്പുറം ഓരാടംപാലത്ത് ഓട്ടോയിൽ കാറ്. ഇടിച്ച് ഓട്ടോ യാത്രക്കാരനായ വിദ്യാർത്ഥി മരിച്ചു. കൂട്ടിലങ്ങാടി മുഞ്ഞക്കുളം സ്വദേശി ചെകിടപ്പുറത്ത് അബ്ദുസമദിൻ്റെ മകനും മൊട്ടമ്മൽ അമ്മിപ്പടി ഹിഫ്ള് കോളേജ് വിദ്യാർത്ഥിയുമായ അഹമ്മദ് റബീഹ് (13) ആണ് മരിച്ചത്. ഞായറാഴ്ച്ച ഉച്ചക്ക് 2.30നാണ് അപകടം.
പെരിന്തൽമണ്ണയിലെ ബന്ധുവീട്ടിൽ കുടുംബസമേതം പോയി മടങ്ങി വരവെ ഒരാടം പാലം വളവിൽ വെച്ച് പഴനിയിലേക്ക് പോവുകയായിരുന്ന വടകര സ്വദേശികൾ സഞ്ചരിച്ച കാറ് ഓട്ടോയിൽ ഇടിച്ചതിനെ തുടർന്ന് ഓട്ടോ തലകീഴായി മറിയുകയായിരുന്നു. ഓട്ടോയിൽ ഉണ്ടായിരുന്ന ബാപ്പയും ഉമ്മയും സഹോദരങ്ങളും പരിക്കേൽക്കാതെ രക്ഷപ്പെട്ടു. ഗുരുതരമായി പരിക്കേറ്റ റബീഹിനെ ഉടൻ മാലാപറമ്പ് എം ഇ എസ് മെഡിക്കൽ കോളേജിൽ എത്തിച്ചങ്കിലും മരണപ്പെട്ടു. മ്യതദേഹം എം ഇ എസ് മെഡിക്കൽ കോളേജ് മോർച്ചറിയിൽ. മൃതദേഹം നാളെ പോസ്റ്റ്മോർട്ടത്തിന് ശേഷം കബറടക്കം നാളെ കടൂപ്പുറം ജുമാ മസ്ജിദിൽ.
മാതാവ്: റംലത്ത്. സഹോദരങ്ങൾ: അഹമ്മദ് സിനാൻ, ഫാത്തിമ മർവ. റബീഹ് ഒന്നര വർഷമായി കൂട്ടിലങ്ങാടി മൊട്ടമ്മൽ അമ്മിപ്പടിയിലെ ഹിഫ്ള് കോളേജിലെ വിദ്യാർത്ഥിയാണ്.
