ന്യൂഡൽഹി> കായംകുളം–- എറണാകുളം റെയിൽപാത ഇരട്ടിപ്പിക്കൽ ഉടൻ പൂർത്തിയാക്കണമെന്ന് ആവശ്യപ്പെട്ട് എ എം ആരിഫ് എംപി റെയിൽമന്ത്രി അശ്വിനി വൈഷ്ണവിന് നിവേദനം നൽകി. ആകെ 115 കിലോമീറ്ററാണ് പാത. 45 കിലോമീറ്റർ വരുന്ന കായംകുളം–- അമ്പലപ്പുഴ ഭാഗം കമീഷൻ ചെയ്തു. 15 കിലോമീറ്റർ വരുന്ന തുറവൂർ– -കുമ്പളം, എട്ടു കിലോമീറ്ററുള്ള കുമ്പളം–- എറണാകുളം പാതകളുടെ ഇരട്ടിപ്പിക്കലിന് റെയിൽവേ ബോർഡിന്റെ അന്തിമ അനുമതി ലഭിച്ചിട്ടുണ്ട്.
46 കിലോമീറ്റർ വരുന്ന അമ്പലപ്പുഴ-–- തുറവൂർ പാത ഇരട്ടിപ്പിക്കൽ പൂർത്തിയായാലേ തീരദേശപാതയുടെ പൂർണ പ്രയോജനം ലഭിക്കൂ. ഇതിന്റെ അന്തിമ അനുമതിക്കായി പദ്ധതിരേഖ റെയിൽവേ ബോർഡ് നിതി ആയോഗിൽ സമർപ്പിച്ചിട്ടുണ്ട്.
