ചെന്നൈ> തമിഴിലെ നാല് പ്രമുഖ സംവിധായകർഅഭിനേതാക്കളായി പ്രധാന കഥാപാത്രങ്ങളെ അവതരിപ്പിക്കുന്ന “കരുമേഘങ്കൾ കലൈകിൻട്രന “. ചിത്രീകരണം പൂർത്തിയായി.
തമിഴിലെ പ്രഗൽഭനായ ഛായഗ്രാഹകനും, സംവിധായകനും, നടനും എഴുത്തുകാരനുമായ തങ്കർ ബച്ചാൻ ഒരുക്കുന്ന സിനിമയിലാണ് തെന്നിന്ത്യൻ ചലച്ചിത്ര ലോകത്തെ പ്രഗത്ഭമതികൾ ഒത്തുചേരുന്നത്. ജനപ്രിയ സിനിമകൾ ഒരുക്കിയിട്ടുള്ള സംവിധായകനാണ് തങ്കർ ബച്ചാൻ. അഴകി, സൊല്ല മറന്ത കഥ, പള്ളിക്കൂടം, ഒമ്പതു രൂപായ് നോട്ട് , അമ്മാവിൻ കൈപേശി എന്നീ സിനിമകളുടെ സംവിധായകനാണ്.
.jpg)
ഭാരതി രാജ, എസ്. എ. ചന്ദ്രശേഖർ, മലയാളിയായ സംവിധായകൻ ഗൗതം മേനോൻ എന്നിവരാണ് ചിത്രത്തിലെ പ്രധാന കഥാപാത്രങ്ങളെ അവതരിപ്പിക്കുന്നത്. അതിഥി ബാലൻ ചിത്രത്തിൽ ശക്തമായ സ്ത്രീ കഥാപാത്രത്തെ അവതരിപ്പിക്കുന്നു. യോഗി ബാബുവും ഒരു പ്രധാന കഥാപാത്രമാവുന്നുണ്ട്. സംവിധാനത്തോടൊപ്പം തങ്കർ ബച്ചാനും ശ്രദ്ധേയമായ കഥാപാത്രത്തെ അവതരിപ്പിക്കുന്നു.
വൈരമുത്തു ഗാന രചനയും ജി.വി.പ്രകാശ് കുമാർ സംഗീത സംവിധാനവും നിർവ്വഹിക്കുന്നു. ഏകാമ്പരമാണ് ഛായഗ്രാഹകൻ. വാവ് മീഡിയ എൻ്റർടൈൻമെൻ്റ്സി ൻ്റെ ബാനറിൽ ബാനറിൽ ഡി. വീര ശക്തിയാണ് ചിത്രം നിർമ്മിക്കുന്നത്. ഉടൻ പ്രദർശനത്തിനെത്തും.
പിആർഒ: സി.കെ.അജയ്കുമാർ.
