‘മരിക്കുംവരെ ഞാനിവിടെ കിടക്കും; എനിക്ക് നീതി വേണം’: വയറ്റിൽ കത്രികയുമായി 6 വർഷം വേദനതിന്ന് ജീവിച്ച ഹർഷിന കോഴിക്കോട് മെഡിക്കൽ കോളേജിനു മുമ്പിൽ നിരാഹാരത്തിൽ

ആറു വർഷമാണ് ഹർഷിന വയറ്റിൽ കത്രികയുമായി ജീവിച്ചത്. ജീവൻ പറിഞ്ഞുപോകുന്ന വേദനയോടെ ആറു വർഷം ജീവിച്ച ഹർഷിന പരാതിപ്പെടാനൊരുങ്ങിയപ്പോൾ കോഴിക്കോട് മെഡിക്കൽ കോളേജിൽ നിന്ന് വിളി വന്നു. നിങ്ങളെക്കൊണ്ടാവുന്ന ചെയ്തോ എന്ന വെല്ലുവിളിയായിരുന്നു അത്. മന്ത്രി വീണാ ജോർജ് ഇടപെടാൻ തയ്യാറായത് മാധ്യമങ്ങളിൽ വാർത്തകൾ നിറഞ്ഞതിനു ശേഷമായിരുന്നു. ഇപ്പോഴും ഹർഷിനയ്ക്ക് അവകാശപ്പെട്ട നഷ്ടപരിഹാരം അവർക്ക് ലഭിക്കാതിരിക്കാൻ മെഡിക്കൽ കോളേജ് നടത്തുന്ന ഗൂഢാലോചനയ്ക്ക് നിശ്ശബ്ദപിന്തുണ നൽകുകയാണ് മന്ത്രി.