അമ്പലപ്പുഴ> പൊലീസ് ജീപ്പിടിച് യുവാവാവ് മരിച്ചു. പുറക്കാട് പഞ്ചായത്ത് 17-ാം വാർഡ് തോട്ടപ്പള്ളി പഴയ ചിറ വീട്ടിൽ മഞ്ചേഷ് (35) ആണ് മരിച്ചത്. ദേശീയ പാതയിൽ കരുവാറ്റ കന്നുകാലി പാലത്തിന് സമീപം ചൊവ്വ രാത്രി 10.45 ഓടെയായിരുന്നു അപകടം.
അയൽവാസി വിഷ്ണു (34)വുമൊന്നിച്ച് കരുവാറ്റയിലേക്ക് പോകുമ്പോൾ എതിരെനിന്നും വന്ന മാരാരിക്കുളം പൊലീസ് ജീപ്പ് മഞ്ചേഷ് ഓടിച്ച സ്കൂട്ടറിൽ ഇടിക്കുകയായിരുന്നു. ആദ്യം വണ്ടാനം മെഡിക്കൽ കോളേജ് ആശുപത്രിയിൽ എത്തിച്ചെങ്കിലും രക്ഷിക്കാനായില്ല. ഇടുപ്പെല്ലിന് ഗുരുതര പരിക്കേറ്റ വിഷ്ണുവിനെ എറണാകുളത്തെ സ്വകാര്യ ആശുപത്രിയിൽ പ്രവേശിപ്പിച്ചു. മഞ്ചേഷിശന്റ മൃതദേഹം പോസ്റ്റുമോർട്ടത്തിന് ശേഷം വിട്ടു നൽകി. അച്ഛൻ: മണിയൻ , അമ്മ: രമണി . ഭാര്യ: വിജിഷ. മകൻ: അനുരാഗ്.
