തിരുവനന്തപുരം > കേരള വനിതാ കമ്മീഷൻ മാധ്യമപുരസ്ക്കാരം ദേശാഭിമാനി റിപ്പോർട്ടർ അശ്വതി ജയശ്രീക്ക്. മലയാളം അച്ചടി മാധ്യമത്തിലെ മികച്ച റിപ്പോർട്ടിനാണ് അവാർഡ്.ദേശാഭിമാനി തിരുവനന്തപുരം ബ്യൂറോയിൽ റിപ്പോർട്ടറാണ്.
ഇന്ത്യൻ എഞ്ചിനീയറിംഗ് സർവീസിൽ ജോലി നേടിയ കേൾവി പരിമിതരായ രണ്ട് സഹോദരിമാരെ കുറിച്ച് 2022 മാർച്ച് 30ന് ദേശാഭിമാനിയിൽ വന്ന റിപ്പോർട്ടിനാണ് അവാർഡ്.
പത്തനംതിട്ട കോന്നി സ്വദേശിയാണ് അശ്വതി. അച്ഛൻ : പരേതനായ തുളസീധരൻ നായർ. അമ്മ : ജയശ്രീ.സഹോദരി: ആര്യ.
മികച്ച ഫീച്ചറിന് മലയാള മനോരമയിലെ ശ്വേതാ എസ് നായർക്കും ദൃശ്യമാധ്യമത്തിൽ മികച്ച റിപ്പോർട്ടിന് ഏഷ്യാനെറ്റ് ന്യൂസിലെ അഖില നന്ദകുമാറും അർഹരായി. ദൃശ്യമാധ്യമത്തിൽ മികച്ച ഫീച്ചറിന് 24 ന്യൂസിലെ വി ജി വിനീതയും വീഡിയോഗ്രഫിക്ക് മാതൃഭൂമി ന്യൂസിലെ കെ വി ഷാജുവും മികച്ച ഫോട്ടോഗ്രഫിക്ക് മാതൃഭൂമിയിലെ പി പി രതീഷും അർഹരായി.
