കൃഷി പഠിക്കാൻ പോയ സംഘം ഇസ്രയേലിൽ നിന്നും മടങ്ങി; ബിജുവിനായി തെരച്ചിൽ, മേയ് 8നകം മടങ്ങിയില്ലെങ്കിൽ നടപടി

ഇസ്രയേലിൽ കൃഷി പഠിക്കാൻ പോയ സംഘം മടങ്ങിയെത്തി. ഇസ്രയേലിൽ വെച്ച് കാണാതായ ബിജു കുര്യനെ കുറിച്ച് ഇനിയും വിവരങ്ങളൊന്നും ലഭിച്ചില്ല. ഒരാഴ്ചത്തെ സന്ദർശനത്തിന് ശേഷമാണ് കൃഷി വകുപ്പ് പ്രിൻസിപ്പൽ സെക്രട്ടറി ബി അശോകിന്റെ നേതൃത്വത്തിലുള്ള സംഘം തിരിച്ചെത്തിയത്. കണ്ണൂർ ഉളിക്കൽ സ്വദേശിയാണ് ബിജു കുര്യൻ. രാത്രിയിൽ ഹോട്ടലിൽ ഭക്ഷണം കഴിക്കാൻ പോകുന്നതിനിടെയാണ് ബിജുവിനെ കാണാതായ വിവരം സംഘാംഗങ്ങൾ അറിയുന്നത്. മെയ് എട്ടിനുള്ളിൽ മടങ്ങിയെത്തിയില്ലെങ്കിൽ കർശന നടപടികൾ നേരിടേണ്ടി വരുമെന്നാണ് മുന്നറിയിപ്പ്.