കാലടി> സംസ്കൃത സര്വകലാശാല കേന്ദ്രങ്ങളിലെ ക്യാമ്പസ് യൂണിയന് തെരഞ്ഞെടുപ്പില് എട്ടില് നാല് ക്യാംപസിലും എസ്എഫ്ഐക്ക് മുഴുവന് സീറ്റിലും എതിരില്ലാത്ത വിജയം.കാലടി സംസ്കൃത സര്വകലാശാല ക്യാമ്പസുകളിലെ വിദ്യാര്ഥി യൂണിയന് തെരഞ്ഞെടുപ്പിലേക്കുള്ള നോമിനേഷന് പ്രക്രിയ പൂര്ത്തീകരിച്ചപ്പോള് എട്ടില് നാല് ക്യാമ്പസുകളില് മുഴുവന് സീറ്റിലും എസ്എഫ്ഐ സ്ഥാനാര്ഥികള് എതിരില്ലാതെ വിജയിച്ചു.
പയ്യന്നൂര്, കൊയിലാണ്ടി, ഏറ്റുമാനൂര്, പന്മന പ്രാദേശിക കേന്ദ്രങ്ങളിലാണ് മുഴുവന് സീറ്റിലും എസ്എഫ്ഐ സ്ഥാനാര്ഥികള് എതിരില്ലാതെ തെരഞ്ഞെടുക്കപ്പെട്ടത്. കാലടി സര്വകലാശാല കേന്ദ്രത്തില് വൈസ് ചെയര് പേഴ്സണ്, മാഗസിന് എഡിറ്റര്, രണ്ട്, മൂന്ന് വര്ഷ ഡിഗ്രി പ്രതിനിധികള്, ഒന്ന്, രണ്ട് വര്ഷ പി ജി പ്രതിനിധികള്, തിരൂര് പ്രാദേശിക കേന്ദ്രത്തില് രണ്ടാം വര്ഷ ഡിഗ്രി പ്രതിനിധി എന്നീ സീറ്റുകളിലും എസ്എഫ്ഐ സ്ഥാനാര്ഥികള് എതിരില്ലാതെ തെരഞ്ഞെടുക്കപ്പെട്ടു.
ആകെയുള്ള 20 യൂണിവേഴ്സിറ്റി യൂണിയന് കൗണ്സിലര്മാരില് 13 എണ്ണത്തിലും എസ്എഫ്ഐ സ്ഥാനാര്ഥികള് എതിരില്ലാതെ തിരഞ്ഞെടുക്കപ്പെട്ടു.
