കൊച്ചി> ഹൈക്കോടതി അഭിഭാഷക അസോസിയേഷൻ പ്രസിഡന്റ് അഡ്വ സൈബി ജോസ് കിടങ്ങൂർ രാജി വെച്ചു. പ്രസിഡന്റ് സ്ഥാനത്തുനിന്നും തന്നെ ഒഴിവാക്കണമെന്ന് ആവശ്യപ്പെട്ട് അഡ്വ. സൈബി ജോസ് കത്ത് നൽകി അസോസിയേഷൻ സെക്രട്ടറിക്കാണ് കത്ത് നൽകിയത് . തനിക്കെതിരായ കേസിനു പിന്നിൽ ഗൂഢാലോചനയുണ്ടെന്നും രാജി കത്തിൽ സെെബി പറയുന്നു
ജഡ്ജിക്ക് നല്കാനെന്ന വ്യാജേന സിനിമാ നിര്മാതാവില് നിന്ന് കോഴ വാങ്ങിയ സംഭവത്തില് അഡ്വക്കേറ്റ്സ് അസോസിയേഷന് പ്രസിഡൻറായ അഭിഭാഷകൻ സൈബി ജോസ് കിടങ്ങൂരിനെതിരെ ഗുരുതര കണ്ടെത്തലാണുള്ളത്. മൂന്ന് ജഡ്ജിമാരുടെ പേരില് സൈബി വന് തോതില് പണം കൈപ്പറ്റിയെന്ന് ഹൈക്കോടതി വിജിലന്സ് കണ്ടെത്തി.
