രഞ്‌ജി ട്രോഫി ക്രിക്കറ്റിൽ കേരളത്തിന്‌ വമ്പൻ ജയം; സർവീസസിനെ തകർത്തത്‌ 204 റൺസിന്‌

തിരുവനന്തപുരം > രഞ്ജി ട്രോഫി ക്രിക്കറ്റില് സര്വീസസിനെതിരെ കേരളത്തിന് 204 റണ്സിന്റെ വന് വിജയം. 341 റണ്സ് വിജയലക്ഷ്യവുമായി രണ്ടാം ഇന്നിങ്ങ്സില് ബാറ്റിങ്ങിനിറങ്ങിയ സര്വീസസിന് 136 റണ്സ് എടുക്കുന്നതിനിടെ മുഴുവന് വിക്കറ്റുകളും നഷ്ടപ്പെട്ടു. 16 ഓവറില് 36 റണ്സ് വഴങ്ങി 8 വിക്കറ്റുകള് വീഴ്ത്തിയ ജലജ് സക്സേനയാണ് കേരളത്തിന്റെ വിജയ ശില്പ്പി. ആദ്യ ഇന്നിങ്ങ്സില് സക്സേന 3 വിക്കറ്റെടുത്തിരുന്നു. സ്കോര് കേരളം ഒന്നാം ഇന്നിങ്ങ്സ് 327, രണ്ടാം ഇന്നിങ്ങ്സില് 7 ന് 242 ഡിക്ലയേര്ഡ്, സര്വീസസ് ഒന്നാം ഇന്നിങ്ങ്സില് 229, രണ്ടാം ഇന്നിങ്ങ്സില് 136ന് എല്ലാവരും പുറത്ത്. സര്വീസസിനെതിരായ വിജയത്തോടെ കേരളത്തിന് 4 മത്സരങ്ങളില് നിന്ന് 19 പോയിന്റായി.