കണ്ണൂർ > സ്കൂൾ വിദ്യാർഥിനികൾക്കുനേരെ ലൈംഗികാതിക്രമം നടത്തിയെന്ന പരാതിയിൽ അറബിക് അധ്യാപകൻ പിടിയിൽ. തളിപ്പറമ്പ് ഹയർ സെക്കൻഡറി സ്കുളിലെ യുപി വിഭാഗം അറബിക് അധ്യാപകൻ മലപ്പുറം കൊണ്ടോട്ടി സ്വദേശി ചെറിയമ്മാക്കൽ ഫൈസൽ (52) ആണ് പിടിയിലായത്. പോക്സോ നിയമപ്രകാരം കേസ് രജിസ്റ്റർ ചെയ്തു.
നാലു വർഷമായി ഇയാൾ ഇവിടെ അധ്യാപകനാണ് . കോവിഡ് നിയന്ത്രണങ്ങൾ നീങ്ങിയതിനു ശേഷം 2021 നവംബറിൽ ക്ലാസ് തുടങ്ങി രണ്ടാഴ്ച്ച കഴിഞ്ഞതുമുതൽ വിദ്യാർഥിനികളെ ലൈംഗികാതിക്രമത്തിന് വിധേയമാക്കിയിരുന്നു. ഇരുപതോളം വിദ്യാർഥിനികൾക്കു നേരെ ലൈംഗികാതിക്രമം നടത്തിയിട്ടുണ്ട്. അഞ്ച് വിദ്യാർഥിനികളുടെ പരാതിയിലാണ് തളിപ്പറമ്പ് പൊലീസ് കേസെടുത്തത്.
