തിരുവനന്തപുരം > കേന്ദ്ര പൊതുമേഖലാ സ്ഥാപനമായ എച്ച്എൽഎൽ ലൈഫ്കെയർ ലിമിറ്റഡിന്റെ ടെക്നിക്കൽ ആൻഡ് ഓപ്പറേഷൻസ് ഡയറക്ടറായി ഡോ.അനിത തമ്പി ചുമതലയേറ്റു. എച്ച്എൽഎൽ കോർപറേറ്റ് ആർ ആൻഡ് ഡി വൈസ് പ്രസിഡന്റായും മാനേജ്മെന്റ് അക്കാദമി സിഇഒയായും സേവനമനുഷ്ഠിച്ചു വരികയായിരുന്നു.
ഗോവ ആന്റിബയോട്ടിക്സ് ആൻഡ് ഫാർമസ്യൂട്ടിക്കൽസ് ലിമിറ്റഡിന്റെ (ജിഎപിഎൽ) സിഇഒയായും പ്രവർത്തിച്ചിട്ടുണ്ട്. 2021ലെ കേരള സാഹിത്യ അക്കാദമി അവാർഡ് ജേതാവാണ്. ഭർത്താവ്: അജയകുമാർ (ഏണസ്റ്റ് ആൻഡ് യങ് സീനിയർ ഡിസൈനർ) മകൾ: മീനാക്ഷി.
