മലപ്പുറം> ദേശാഭിമാനി എൺപതാം വാർഷികത്തിന്റെ ഭാഗമായി 27, 28 തീയതികളിൽ മലപ്പുറത്ത് നടക്കുന്ന മലപ്പുറം മഹോത്സവത്തിന് തിരിതെളിഞ്ഞു. മലപ്പുറം എംഎസ്പി ഹയർ സെക്കൻഡറി സ്കൂളിൽ നടന്ന ചടങ്ങ് സിപിഐ എം നേതാവ് എസ് രാമചന്ദ്രൻപിള്ള ഉദ്ഘാടനം ചെയ്തു.
ദേശാഭിമാനി ചീഫ് എഡിറ്റർ പുത്തലത്ത് ദിനേശൻ അധ്യക്ഷനായി. സ്വാഗതസംഘം കൺവീനർ ഇ എൻ മോഹൻദാസ് സ്വാഗതം പറഞ്ഞു. മന്ത്രി വി അബ്ദുറഹ്മാൻ, കെ ടി ജലീൽ എംഎൽഎ, പി നന്ദകുമാർ എംഎൽഎ, എം സ്വരാജ്, പി കെ സൈനബ,യു ഷറഫലി തുടങ്ങി നിരവധി പേർ ചടങ്ങിൽ പങ്കെടുത്തു.
.jpg)
വൈകിട്ട് നാലിന് ‘ബഹുസ്വരതയും ജനാധിപത്യവും’ സിമ്പോസിയം മന്ത്രി പി എ മുഹമ്മദ് റിയാസ് ഉദ്ഘാടനംചെയ്യും. എംഎൽഎമാരായ പി കെ കുഞ്ഞാലിക്കുട്ടി, കെ ടി ജലീൽ, കെപിസിസി ജനറൽ സെക്രട്ടറി ആര്യാടൻ ഷൗക്കത്ത്, സിപിഐ സംസ്ഥാന അസി. സെക്രട്ടറി പി പി സുനീർ, സിപിഐ എം സംസ്ഥാന സെക്രട്ടറിയറ്റംഗം എം സ്വരാജ്, കേരള ജമാഅത്ത് സെക്രട്ടറി എൻ അലി അബ്ദുള്ള, ഡോ. ഷീന ഷുക്കൂർ എന്നിവർ സംസാരിക്കും. ബുധനാഴ്ച സെമിനാറുകൾക്കുപുറമേ രണ്ടു സിമ്പോസിയവും സമാപന സമ്മേളനത്തിനുശേഷം ഷഹബാസ് അമന്റെ സംഗീതനിശയും അരങ്ങേറും.
ഉദ്ഘാടനവും സിമ്പോസിയവും ദേശാഭിമാനി യുട്യൂബ് ചാനലിൽ തത്സമയം കാണാൻ ക്യു ആർ കോഡ് സ്കാൻ ചെയ്യുക. ചാനൽ ലിങ്ക്: https://youtube.com/deshabhimaninewslive
