കൊച്ചി> സംവിധായകന് ജൂഡ് ആന്റണി ജോസഫ് സംവിധാനം ചെയ്ത ചിത്രത്തിന്റെ ടീസര് ലോഞ്ചിങ്ങിനിടെ നടത്തിയ പരാമര്ശം ബോഡി ഷെയ്മിങാണെന്ന വിമര്ശനത്തിന് പിന്നാലെ ഖേദം പ്രകടിപ്പിച്ച് നടന് മമ്മൂട്ടി.’ടീസര് കണ്ടിട്ട് വലിയ സന്തോഷം തോന്നി. ജൂഡ് ആന്റണിയുടെ തലയില് കുറച്ചു മുടി കുറവുണ്ടെന്നെയുള്ളൂ. തലയില് ബുദ്ധിയുണ്ടെന്നായിരുന്നു മമ്മൂട്ടിയുടെ പരാമര്ശം.ഇതിനെ തുടര്ന്നുണ്ടായ വിമര്ശനത്തിന് പിന്നാലെയാണ് വിഷയത്തില് താരം ഖേദം പ്രകടിപ്പിച്ചത്
‘പ്രിയരെ കഴിഞ്ഞ ദിവസം ‘2018’ എന്ന സിനിമയുടെ ട്രൈലര് ലോഞ്ചിനോട് അനുബന്ധിച്ചു നടന്ന ചടങ്ങില് സംവിധായകന് ‘ജൂഡ് ആന്റണി’യെ പ്രകീര്ത്തിക്കുന്ന ആവേശത്തില് ഉപയോഗിച്ച വാക്കുകള് ചിലരെ അലോസരപ്പെടുത്തിയതില് എനിക്കുള്ള ഖേദം പ്രകടിപ്പിക്കുന്നതോടൊപ്പം ഇങ്ങനെയുള്ള പ്രയോഗങ്ങള് ആവര്ത്തിക്കാതിരിക്കുവാന് മേലില് ശ്രദ്ധിക്കുമെന്ന് ഉറപ്പു തരുന്നു. ഓര്മ്മിപ്പിച്ച എല്ലാവര്ക്കും നന്ദി’ – മമ്മുട്ടി കുറിപ്പില് പറഞ്ഞു
അതേസമയം, തന്റെ തലമുടിയെക്കുറിച്ച് മമ്മൂട്ടി പറഞ്ഞത് ബോഡി ഷെയ്മിങ് അല്ലെന്ന് ജൂഡ് ആന്റണിയും പ്രതികരിച്ചിരുന്നു. ഇനി അത്രയ്ക്ക് പ്രയാസം ഉള്ളവര് മമ്മൂക്കയെ ചൊറിയാന് നിക്കാതെ എന്റെ മുടി പോയതിന്റെ കാരണക്കാരായ ബെംഗളൂരു കോര്പറേഷന് വാട്ടര്, വിവിധ ഷാംപൂ കമ്പനികള് എന്നിവര്ക്കെതിരെ ശബ്ദമുയര്ത്തുവിന്- ജൂഡ് റഞ്ഞു
