100 വർഷം കഴിഞ്ഞിട്ടും തീരാതെ തർക്കം, മോദി വരെ ഇടപെട്ടു; സർക്കാർ ചർച്ചയും പരാജയം; ഓർത്തഡോക്സ്, യാക്കോബായ നിലപാടുകൾ ഇങ്ങനെ

മലങ്കര ഓ‍ർത്തഡോക്സ്, യാക്കോബായ സഭകൾ തമ്മിലുള്ള ത‍ർക്കം പരിഹരിക്കാൻ കോടതി നി‍ർദേശപ്രകാരം ചീഫ് സെക്രട്ടറി അധ്യക്ഷനായി നടത്തിയ ചർച്ചയും ഒടുവിൽ പാഴായിരിക്കുകയാണ്. 2017ലെ സുപ്രീം കോടതി വിധി നടപ്പാക്കണമെന്ന് ഓ‍ർത്തഡോക്സ് സഭ നിലപാട് ആവർത്തിക്കുമ്പോൾ ഒരു നൂറ്റാണ്ടോളം നീളുന്ന ത‍ർക്കം പരിഹരിക്കാൻ സർക്കാർ നിയമനിർമാണം നടത്തുകയാണ് വേണ്ടതെന്നാണ് യാക്കോബായ സഭയുടെ നിലപാട്. ച‍ർച്ചയ്ക്കു ശേഷവും ഇരുസഭകളും പഴയ നിലപാട് തന്നെ ആവ‍ർത്തിച്ചതോടെ ഒരു നൂറ്റാണ്ടിലധികം പഴക്കമുള്ള ത‍ർക്കം ഇനിയും നീളുമെന്ന് ഉറപ്പായി.