തിരുവനന്തപുരം > കെഎസ്യു നേതാവിനെതിരെ ബലാത്സംഗ കേസ്. തിരുവനന്തപുരത്ത് ലോ അക്കാഡമിയിലെ കെഎസ്യു യൂണിറ്റ് ഭാരവാഹി ആഷിക്ക് മുഹമ്മദാണ് സഹപ്രവര്ത്തകയെ പീഡിപ്പിച്ചത്. കോളേജ് വിദ്യാര്ഥിയും സഹപ്രവര്ത്തകയുമായ വിദ്യാര്ഥിനിയാണ് കെഎസ്യു നേതാവിനെതിരെ പേരൂര്ക്കട പൊലീസിന് പരാതി നല്കിയത്.
മാന്നാര് സ്വദേശിയാണ് മുഹമ്മദ് ആഷിക്ക്. ആഷിക്ക് തന്നെയാണ് പരാതിക്കാരിയെ കെഎസ്യു മെമ്പര്ഷിപ്പ് നല്കി യൂണിറ്റ് കമ്മിറ്റി അംഗമാക്കിയത്. ആഷിക്കിന്റെ വഴയിലയിലെ വീട്ടിലെ കമ്മിറ്റികള്ക്കും കെഎസ്യുവിന്റെ പ്രകടനങ്ങള്ക്കും താന് പങ്കെടുത്തിട്ടുണ്ടെന്നും പരാതിക്കാരി പറയുന്നു.
പിന്നീട് മീറ്റിങ്ങിനെന്ന് പറഞ്ഞ് വഴയിലയിലെ വീട്ടിലേക്ക് ക്ഷണിച്ച ആഷിക്ക് അവിടെ വച്ച് തന്റെ വസ്ത്രങ്ങള് വലിച്ചുകീറി ബലാത്സംഗം ചെയ്തുവെന്നും പേരൂര്ക്കട സ്റ്റേഷനില് നല്കിയ പരാതിയില് പറയുന്നു. പീഡന ദൃശ്യങ്ങള് പകര്ത്തിയിട്ടുണ്ടെന്ന് ഭീഷണിപ്പെടുത്തി സെപ്റ്റംബര് 16 വരെ പലതവണ തന്നെ പീഡിപ്പിച്ചെന്നും പരാതിയിലുണ്ട്.
ഇതിനിടയില് തന്റെ ആഭരണങ്ങള് ആഷിക്ക് കൈക്കാലാക്കിയെന്നും പെണ്കുട്ടി പറയുന്നു. പരാതി നല്കിയാല് തന്റെ കുടുംബത്തെ തുലയ്ക്കുമെന്ന് ഭീഷണിപ്പെടുത്തിയെന്നും പെണ്കുട്ടി പറയുന്നു. കേസെടുത്ത പൊലീസ് പെണ്കുട്ടിയെ മെഡിക്കല് പരിശോധനയ്ക്ക് ആശുപത്രിയില് എത്തിച്ചു.
