തൃശൂർ > ഒന്നര ലക്ഷം രൂപ വായ്പ എടുത്ത കുടുംബത്തെ പെരുവഴിയിലാക്കി വീട് ജപ്തി ചെയ്ത് തൃശ്ശൂര് അര്ബന് കോഓപ്പറേറ്റീവ് ബാങ്കിന്റെ ക്രൂരത. മുണ്ടൂര് സ്വദേശി ഓമന, മഹേഷ്, ഗിരീഷ് എന്നിവരെ വീടിനു പുറത്താക്കിയാണ് കോണ്ഗ്രസ് ഭരിക്കുന്ന ബാങ്ക് ഭരണസമിതി വീട് ജപ്തി ചെയ്തത്. . ഇന്നലെവൈകിട്ട് മൂന്നു മണിയോടെയാണ് ബാങ്ക് വീട് പൂട്ടി പോയത്. ഉടുതുണിയും ഭക്ഷണ സാധനങ്ങളും അടക്കം വീടിനുള്ളിലാക്കി സീല് ചെയ്യുകയായിരുന്നു.
അച്ഛന്റെ ക്യാന്സര് ചികിത്സയ്ക്കുവേണ്ടിയാണു ഒന്നരലക്ഷം രൂപ കടമെടുത്തത്. ഇതിന്റെ തിരിച്ചടവ് മുടങ്ങിയതോടെ പലിശയുള്പ്പെടെ അഞ്ചു ലക്ഷം രൂപ തിരിച്ചടിക്കാനുണ്ടെന്ന് അറിയിച്ച് ബാങ്ക് ജപ്തി ചെയ്യുകയായിരുന്നു.
