ഗ്രീഷ്മ ഷാരോണിൽ പരീക്ഷിച്ചത് മന്ത്രവാദത്തിലെ വിഷപ്രയോഗം; വെളിപ്പെടുന്നത് ‘വാഴക്കല്യാണ’ത്തിലും ശമിക്കാത്ത ആഭിചാരമനസ്സ്

പാറശ്ശാലയിലെ ഷാരോൺ രാജ് കൊലപാതകം ഒരു ആഭിചാരക്കൊലയാണെന്നതിന് നിരവധി സൂചനകളുണ്ട്. കൊലയാളിയെന്ന് പൊലീസ് സംശയിക്കുന്ന ഗ്രീഷ്മയുടെ മുൻ നീക്കങ്ങളെല്ലാം ആഭിചാരക്രിയയിലേക്കുള്ള സൂചനയാണ് തരുന്നത്. റിപ്പോർട്ടുകൾ പറയുന്നത് പ്രകാരം ആദ്യവിവാഹത്തിലെ ബന്ധം അധികനാൾ നിലനിൽക്കില്ലെന്ന് ഗ്രീഷ്മയുടെ കുടുംബത്തിന് ആഭിചാരകന്റെ ഉപദേശം കിട്ടിയിരുന്നു. ഇത് ജാതകത്തിലുള്ളതാകാം അല്ലെങ്കിൽ അടുത്തിടെ ഗണിച്ചു കണ്ടുപിടിച്ചതുമാകാം. ഗണകൻ അടുത്തകാലത്ത് നൽകിയ ഉപദേശമായിരിക്കണം ഇതെന്ന് നിർബന്ധമില്ല. ജാതകം എഴുതിച്ച കാലത്ത് ജ്യോതിഷി പറഞ്ഞതുമാകാം.