കൊച്ചി> ബാങ്ക് എംപ്ലോയീസ് ഫെഡറേഷൻ ഓഫ് ഇന്ത്യ സ്ഥാപക നേതാവ് അഷീസ് സെൻ ജന്മശദാബ്ദി ഇന്റർ ബാങ്ക് സെവൻസ് ഫുട്ബോൾ ടൂർണമെന്റിൽ എച്ച്ഡിഎഫ്സി ബാങ്ക് ചാമ്പ്യൻമാരായി. ഫൈനലിൽ കേരള ഗ്രാമീൺ ബാങ്ക് ടീമിനെ 1 ഗോളിന് തോൽപ്പിച്ചാണ് എച്ച്ഡിഎഫ്സി കിരീടം ചൂടിയത്. 18 ടീമുകൾ മത്സരത്തിൽ പങ്കെടുത്തു.
കാക്കനാട് ഇൻഫോപാർക്ക് ക്യാപ്പിയോൺ ഗ്രൗണ്ടിൽ നടന്ന ടൂർണമെന്റ് മുൻ ഇന്ത്യൻ ഫുട്ബോൾ താരം ശ്രീ മാത്യു വർഗീസ് ഉദ്ഘാടനം ചെയ്തു. ചാമ്പ്യൻമാർക്ക് കുന്നത്ത് നാട് എംഎൽഎ പി വി ശ്രീനിജൻ സമ്മാനദാനം നൽകി. ചടങ്ങിൽ ബെഫി ദേശീയ പ്രസിഡന്റ് സി ജെ നന്ദകുമാർ, ബെഫി ദേശീയ ജോ സെക്രട്ടറി എസ് എസ് അനിൽ, സംസ്ഥാന ജനറൽ സെക്രട്ടറി എൻ സനിൽ ബാബു, സംസ്ഥാന ട്രഷറർ എസ് അനിൽ, ഫുട്ബോൾ സംഘാടക സമിതി കൺവീനർ ബിഗേഷ് ഉണ്ണിയാൻ, ജില്ലാ സെക്രട്ടറി വി വിമൽ എന്നിവർ പങ്കെടുത്തു. ടൂർണമെന്റിൽ മികച്ച കളിക്കാരനായി കേരള ഗ്രാമീൺ ബാങ്കിന്റെ കെ ശ്രീജിത്തിനേയും മികച്ച ഗോളിയായി കേരള ഗ്രാമീൺ ബാങ്കിന്റെ ജി ജെനീഷിനേയും തെരഞ്ഞെടുത്തു. 5 ഗോളുകൾ നേടി എച്ച്ഡിഎഫ്സി ബാങ്കിന്റെ ജിഷാൻ കെ യു ടോപ്പ് സ്കോറർ ആയി.
