ജനങ്ങളുടെ കോർ കമ്മിറ്റിയിൽ സ്ഥാനമുണ്ട്: പ്രതിഷേധം പരസ്യമാക്കി ശോഭ സുരേന്ദ്രൻ

ന്യൂഡൽഹി> ബിജെപി കോർ കമ്മിറ്റിയിൽ ഉൾപെടുത്താത്തതിൽ പ്രതിഷേധവുമായി ശോഭ സുരേന്ദ്രൻ. ജനങ്ങളുടെ കോർ കമ്മിറ്റിയിൽ തനിക്ക് സ്ഥാനമുണ്ടെന്നും പഞ്ചായത്തംഗം പോലുമില്ലാത്ത കാലത്ത് പാർട്ടിക്കായി പ്രവർത്തിച്ചിട്ടുണ്ടെന്നും ശോഭ സുരേന്ദ്രൻ ഡൽഹിയിൽ പറഞ്ഞു. ഏൽപ്പിച്ച ചുമതലകൾ നിറവേറ്റിയിട്ടുണ്ട്. പ്രവർത്തനങ്ങൾ നൽകേണ്ടത് അധ്യക്ഷനാണെന്നും ശോഭാ സുരേന്ദ്രൻ കൂട്ടിചേർത്തു.