കൊച്ചി > മരടിൽ കെട്ടിടം പൊളിക്കുന്നതിനിടെ തകർന്ന് വീണുണ്ടായ അപകടത്തിൽ രണ്ടുപേർ മരിച്ചു. ഒഡിഷ സ്വദേശികളായ ശങ്കർ (25), സുശാന്ത, (35) എന്നിവരാണ് മരിച്ചത്. കെട്ടിടം പൊളിച്ച് മാറ്റുന്നതിനിടെ തകർന്ന് വീഴുകയായിരുന്നു. മരട് നൂക്ലിയസ് മാളിന് സമീപം ഗാന്ധി സ്ക്വയറിലാണ് അപകടം.
രാവിലെ 11 ഓടെയായിരുന്നു അപകടം. കെട്ടിടത്തിന്റെ സ്ലാബ് ഇടിഞ്ഞ് ഇവർക്കു മുകളിലേക്കു വീഴുകയായിരുന്നു. രക്ഷാപ്രവർത്തനം നടത്തി സ്ലാബിനടിയിൽ കുടുങ്ങിയവരെ പുറത്തെടുത്തെങ്കിലും മരിച്ചിരുന്നു.
