യൂറോപ ലീഗ്‌ : യുണൈറ്റഡിനെ 
റാഷ്‌ഫഡ്‌ രക്ഷിച്ചു

സ്ട്രോവോളോസ് (സൈപ്രസ്)
പകരക്കാരൻ മാർകസ് റാഷ്ഫഡിനോട് മാഞ്ചസ്റ്റർ യുണൈറ്റഡ് കടപ്പെട്ടിരിക്കുന്നു. ഇരുപത്തിനാലുകാരന്റെ ഇരട്ടഗോളിൽ യൂറോപ ലീഗ് ഫുട്ബോളിൽ യുണൈറ്റഡ് ഒമോനിയ എഫ്സിയെ 3–-2ന് വീഴ്ത്തി. ആദ്യപകുതിയിൽ യുണൈറ്റഡ് ഒരു ഗോളിനു പിന്നിലായിരുന്നു. ഇടവേള കഴിഞ്ഞ് കളത്തിലെത്തിയ റാഷ്ഫഡ് ജയം സമ്മാനിച്ചു. രണ്ടടിക്കുകയും മറ്റൊന്നിന് വഴിയൊരുക്കുകയും ചെയ്തു. മറ്റൊരു കളിയിൽ അഴ്സണൽ നോർവേ ക്ലബ് ബോഡോയെ മൂന്ന് ഗോളിന് തകർത്തു.