അങ്കമാലി / കാലടി> അങ്കമാലിയില് നിയന്ത്രണംവിട്ട ടാങ്കര് ലോറി ഓട്ടോയിലിടിച്ച് വസ്ത്രവ്യാപാര സ്ഥാപനത്തിലെ രണ്ട് സ്ത്രികള് മരിച്ചു. അങ്കമാലി പഴയ മുന്സിപ്പല് സ്റ്റേഷന് സമീപം ശനി രാവിലെ 6 .10 ഓടെയായിരുന്നു അപകടം.
പെരുമ്പാവൂര് കൂവപ്പടി തൊടാപ്പറമ്പ് സ്വദേശികളായ ത്രേസ്യാമ (69), ബീന (49) എന്നിവരാണ് മരിച്ചത്. ഇവര് സഞ്ചരിച്ച ഓട്ടോക്ക് പിറകില് നിയന്ത്രണം വിട്ട ടാങ്കര് ലോറി ഇടിക്കുകയായിരുന്നു.ഓട്ടോ ഡ്രൈവര് പരുക്കുകളോടെ രക്ഷപ്പെട്ടു.ഇയാളെ സ്വകാര്യ ആശുപത്രിയില് പ്രവേശിപ്പിച്ചു.
മരിച്ചവരുടെ മൃതദേഹം അങ്കമാലി താലൂക്ക് ആശുപത്രി മോര്ച്ചറിയിലേക്ക് മാറ്റി. അങ്കമാലിയിലെ ഒരു സ്വകാര്യ വസ്ത്ര വ്യാപാര സ്ഥാപനത്തിലെ പാചക തൊഴിലാളികളാണ് മരിച്ചവര്.
