തിരുവനന്തപുരം> സംസ്ഥാനത്ത് ഉത്രാടം ദിനത്തിൽ റെക്കോഡ് മദ്യവിൽപ്പന. ബുധനാഴ്ചമാത്രം 117 കോടി രൂപയുടെ മദ്യമാണ് ബെവ്കോ ഔട്ട്ലെറ്റുകൾ വഴിമാത്രം വിറ്റത്. കഴിഞ്ഞ വർഷം ഇത് 85 കോടിയായിരുന്നു. ഉത്രാടംവരെയുള്ള ഏഴുദിവസം 624 കോടിയുടെ മദ്യവിൽപ്പന നടന്നു.
കൊല്ലം ആശ്രാമത്തെ ഔട്ട്ലെറ്റിലാണ് ഏറ്റവും കൂടുതൽ വിൽപ്പന– 1.06 കോടി രൂപ. ഇരിങ്ങാലക്കുട, ചേർത്തല മുൻസിപ്പൽ ജങ്ഷൻ, പയ്യന്നൂർ എന്നിവിടങ്ങളിലും വിൽപ്പന ഒരുകോടിക്ക് മുകളിലെത്തി.
തിരുവോണത്തിന് ബെവ്കോ ഔട്ട്ലെറ്റുകൾക്ക് അവധിയായിരുന്നു. ഇതോടെ ഉത്രാടദിനത്തിലും തലേന്നും വൻ തിരക്കുണ്ടായി. കൂടുതൽ കൗണ്ടറുകളും പ്രീമിയം കൗണ്ടറുകളും പ്രവർത്തിച്ചു.
