കൊച്ചി : മഞ്ജു വാര്യര് കേന്ദ്ര കഥാപാത്രമായി നവാഗതനായ ആമിര് പള്ളിക്കാല് സംവിധാനം ചെയ്യുന്ന ഇന്തോ-അറബിക് ചിത്രം ” ആയിഷ “യിൽ
അറബിയിലും മലയാളത്തിലുമായി ഒരു പിടി ഗാനങ്ങൾ കൊണ്ട് സമ്പന്നമാണ്. രണ്ട് പാട്ടുകൾ പാടിയിരിക്കുന്നത് പ്രശസ്ത ഗായിക ശ്രേയാ ഘോഷാൽ ആണ്. എം ജയചന്ദ്രന്റെ സംഗീത സംവിധാനത്തിൽ അറബിയിലും മലയാളത്തിലുമായുള്ള ഗാനങ്ങൾ ഉടൻ സരിഗമയിലൂടെ റിലീസ് ചെയ്യും. പ്രേതം ഭവനം എന്ന് വിശേഷിപ്പിക്കുന്ന അൽ ഖസ് അൽ ഗാഖിദ് എന്ന നാലു നില കൊട്ടാരത്തിലാണ് ആയിഷയുടെ പ്രധാന ലോക്കേഷൻ. 25,000 ചതുരശ്ര വിസ്തൃതിയിലാണ് പാർപ്പിടം 1985 ൽ പണികഴിപ്പിച്ചത്.ഇന്ത്യൻ-മൊറോക്കോ ഇറാൻ വാസ്തുവിദ്യയുടെ മനോഹാരിതയിൽ 1999ലാണ് പണി പൂർത്തിയാക്കിയത്.
നീണ്ട ഇടവേളയ്ക്ക് ശേഷമാണ് റാസൽ ഖൈമയിൽ ചിത്രീകരിക്കുന്ന മലയാള സിനിമയാണ് ആയിഷ മലയാളത്തിലും അറബിയിലും നിർമ്മിക്കുന്ന ചിത്രത്തിനു വേണ്ടി ടൈറ്റിൽ കഥാപാത്രമായ ആയിഷയ്ക്കു വേണ്ടി മഞ്ജു വാര്യർ അറബി ഭാഷയും പഠിച്ചു. മലയാളത്തിന് പുറമെ ഇഗ്ലീഷിലും അറബിയിലും പുറത്തിങ്ങുന്ന ചിത്രം, തമിഴ്, തെലുങ്ക്, ഹിന്ദി, കന്നഡ, തുടങ്ങിയ ഇന്ത്യന് ഭാഷകളിലും ഒരുക്കുന്ന “ആയിഷ” എന്ന ഈ ചിത്രത്തിന്റെ രചന ആഷിഫ് കക്കോടി നിർവ്വഹിക്കുന്നു.
മഞ്ജു വാര്യര്ക്കു പുറമെ ” ക്ലാസ്സ്മേറ്റ്സ് ” ഫെയിം രാധിക, സജ്ന, പൂര്ണിമ, ലത്തീഫ(ടുണീഷ്യ), സലാമ(യു.എ.ഇ.), ജെന്നിഫര് (ഫിലിപ്പൈന്സ്), സറഫീന(നൈജീരിയ), സുമയ്യ(യമന്), ഇസ്ലാം(സിറിയ) തുടങ്ങിയ വിദേശ താരങ്ങളും അണിനിരക്കുന്നു.ക്രോസ് ബോര്ഡര് ക്യാമറയുടെ ബാനറില് സക്കറിയ നിര്മ്മിക്കുന്ന ചിത്രമാണ് “ആയിഷ “.ഫെദര് ടച്ച് മൂവി ബോക്സ്, ഇമാജിന് സിനിമാസ്, ലാസ്റ്റ് എക്സിറ്റ് സിനിമാസ് എന്നീ ബാനറുകളില് ഷംസുദ്ദീന്, സക്കറിയ വാവാട്, ഹാരിസ് ദേശം, അനീഷ് പി.ബി എന്നിവരാണ് ചിത്രത്തിന്റെ സഹ നിർമ്മാതാക്കൾ.ബി കെ ഹരിനാരായണൻ,സുഹൈല് കോയ എന്നിവർ എഴുതിയ വരികൾക്ക്എം ജയചന്ദ്രന് സംഗീത സംവിധാനം നിർവഹിക്കുന്ന ഈ ചിത്രത്തില് പ്രശസ്ത ഇന്ത്യൻ,അറബി പിന്നണി ഗായകര് പാടുന്നു. ഛായാഗ്രഹണം വിഷ്ണു ശര്മ നിര്വ്വഹിക്കുന്നു. എഡിറ്റര്-അപ്പു എന്. ഭട്ടതിരി,കല-മോഹന്ദാസ്, വസ്ത്രാലങ്കാരം- സമീറ സനീഷ്,ചമയം-റോണക്സ്സേവ്യര്, ചീഫ് അസ്സോസിയേറ്റ്- ബിനു ജി നായര്, ശബ്ദ സംവിധാനം-വൈശാഖ്,
സ്റ്റില്-രോഹിത് കെ സുരേഷ്,ലൈന് പ്രൊഡ്യൂസര്-റഹിം പി എം കെ,പി ആര് ഒ- എ എസ് ദിനേശ്.
