തിരുവനന്തപുരം> സംസ്ഥാനത്തെ വൊക്കേഷണൽ ഹയർ സെക്കൻഡറി സ്കൂളുകളിൽ പ്രവേശനത്തിന് അപേക്ഷിച്ചിട്ടും ലഭിക്കാത്തവർക്കും ഇതുവരെ അപേക്ഷിക്കാത്തവർക്കും അപേക്ഷ ആരംഭിച്ചു. സെപ്തംബർ മൂന്നിന് വൈകിട്ട് നാല് വരെയാണ് അവസരം. മുഖ്യഘട്ടത്തിൽ അലോട്ടുമെന്റ് ലഭിച്ചിട്ടും ഹാജരാകാത്തവർക്ക് വീണ്ടും സപ്ലിമെന്ററിഘട്ടത്തിൽ അപേക്ഷിക്കാം.
തെറ്റായ വിവരങ്ങൾ നൽകിയതിനാൽ അപേക്ഷ നിരാകരിക്കപ്പെട്ടവർക്കും തറ്റുതിരുത്തി അപേക്ഷ പുതുക്കാം. www.admission.dge.kerala.gov.in വെബ്സൈറ്റിലെ Higher Secondary (Vocational) Admission എന്ന പേജിൽ ഒഴിവ് സീറ്റുകളുടെ വിവരം പ്രസിദ്ധീകരിച്ചിട്ടുണ്ട്.
