ചങ്ങനാശേരി > കെഎസ്ആർടിസിബസ് ബൈക്കിന് പിന്നിൽ ഇടിച്ച് തലക്ക് ഗുരുതര പരിക്കേറ്റ് കോട്ടയം മെഡിക്കൽ കോളേജിൽ ചികിത്സയിൽ കഴിഞ്ഞിരുന്ന യുവാവ് മരിച്ചു. ചങ്ങനാശേരി വെട്ടിത്തുരുത്ത് പടിഞ്ഞാറേ പറമ്പിൽ പി പി സുകുമാരൻ സുധർമ്മ ദമ്പതികളുടെ മകൻ പി എസ് സുമേഷ് (36) ആണ് തിങ്കളാഴ്ച ഉച്ചയോടെ മരിച്ചത്.
ചങ്ങനാശേരി സുവി കളർ ലാബിലെ ഡിസൈനർ ആയി ജോലി നോക്കി വരികയായിരുന്നു. കഴിഞ്ഞ ശനിയാഴ്ച രാത്രി എം സി റോഡിൽ എസ് ബി കോളേജിന് സമീപത്തെ വളവിലാണ് അപകടം ഉണ്ടായത്. ഒരേദിശയിൽ കോട്ടയം ഭാഗത്ത് നിന്നും തിരുവല്ല ഭാഗത്തേയ്ക്ക് വന്ന ബസ് ബൈക്കിന് പിറകിൽ ഇടിക്കുകയായിരുന്നു. റോഡിൽ വീണ സുമേഷിനെ ഉടൻ തന്നെ ഓടിക്കൂടിയവർ ചങ്ങനാശേരി താലൂക്ക് ജനറൽ ആശുപത്രിയിൽ പ്രവേശിപ്പിച്ചെങ്കിലും പരിക്ക് ഗുരതരമായതിനാൽ കോട്ടയം മെഡിക്കൽ കോളേജ് ആശുപത്രിയിലേക്ക് മാറ്റിയിരുന്നു. പോസ്റ്റ് മോർട്ടത്തിന് ശേഷം മൃതദേഹം ബന്ധുക്കൾക്ക് വിട്ടു നൽകി. സംസ്കാരം ചൊവ്വ പകൽ 11 ന് വീട്ടുവളപ്പിൽ. ഭാര്യ: അഞ്ജു. മകൻ: അനന്തദപാത്മനാഭൻ (മണിക്കുട്ടൻ).
